ഗ്ലോബൽ യോഗാ ഫെസ്റ്റ് 23 മുതൽ
തൃശ്ശൂർ : യൂണിവേഴ്സൽ യോഗാ കോൺഷ്യസ്‌നെസിന്‍റെ നേതൃത്വത്തിൽ പത്താമത് ഗ്ലോബൽ യോഗാ ഫെസ്റ്റ് 23 മുതൽ തൃശ്ശൂർ ഇൻഡോർ സ്റ്റേഡിയത്തിലും സാഹിത്യ അക്കാദമി ഹാളിലുമായി നടക്കും.
അഞ്ചുദിവസത്തെ യോഗാ ഫെസ്റ്റിൽ ഇന്ത്യയിലെയും വിദേശത്തെയും പ്രമുഖരായ യോഗാചാര്യന്മാരും ഡോക്ടർമാരും സൈക്കോളജിസ്റ്റുകളും മറ്റും പ്രബന്ധങ്ങളവതരിപ്പിക്കും. പരിശീലനക്കളരിയും സംഘടിപ്പിക്കും.
വിവിധ യോഗാ സമ്പ്രദായങ്ങളിലെ യോഗാചാര്യന്മാരുടെ യോഗാ-ധ്യാന പരിശീലനവും ഉണ്ടാകും. ഇതിന്റെ ഭാഗമായി നടത്തുന്ന സോമനാഥ് കൾച്ചറൽ ഫെസ്റ്റിവലിൽ പ്രമുഖരുടെ നൃത്താവിഷ്കാരവും ഉണ്ടാകും. പങ്കെടുക്കാൻ താത്പര്യമുള്ളവർ വിളിക്കേണ്ട നമ്പർ: 9447774143. യോഗി ജയദേവൻ, ടി.എം. ബാനർജി, ഹരികൃഷ്ണനുണ്ണി എന്നിവർ പത്രസമ്മേളനത്തിൽ പങ്കെടുത്തു.
