2024- 25 വർഷത്തേക്കുള്ള ഐഡി കാർഡ് വിതരണവും ഇഫ്താർ വിരുന്നും സംഘടിപ്പിച്ചു
ആൾ കേരള ഫോട്ടോഗ്രാഫേഴ്സ് അസോസിയേഷൻ കുന്നംകുളം ടൗൺ വെസ്റ്റ് യുണിറ്റിൻ്റെ നേതൃത്വത്തിൽ 2024- 25 വർഷത്തേക്കുള്ള ഐഡി കാർഡ് വിതരണവും ഇഫ്താർ വിരുന്നും സംഘടിപ്പിച്ചു. യൂണിറ്റ് പ്രസിഡൻ്റ് പി എം മിൻഹാസ് അധ്യക്ഷനായ ചടങ്ങിൽ പ്രശസ്ത കവിയും ഗാനരചയിതാവുമായ റഫീഖ് അഹമ്മദ് വിശിഷ്ട അതിഥിയായിരുന്നു. മേഖല പ്രസിഡൻ്റ് ഡിജോ എം ജെ ഐഡി കാർഡ് വിതരണോദ്ഘാടനം നിർവഹിച്ച് സംസാരിച്ചു. കാൽനടയായി ശബരിമല ദർശനം പൂർത്തിയാക്കിയ യൂണിറ്റ് അംഗം മഹേഷിൻ്റെ മകൾ 6 വയസുകാരി നൈനികയെ എ കെ പി എ തൃശൂർ ജില്ലാ വൈസ് പ്രസിഡൻ്റ് ബിജു ആൽഫ ആദരിച്ചു. യൂണിറ്റിൻ്റെ നേതൃത്വത്തിൽ പുതുവർഷത്തോടനുബന്ധിച്ച് നടത്തിയ ഫോട്ടോഗ്രാഫി മത്സരത്തിലെ വിജയികൾക്കുള്ള പുരസ്കാരങ്ങൾ റഫീഖ് അഹമ്മദ് വിതരണം ചെയ്തു. വിശിഷ്ടാതിഥിക്കുള്ള യൂണിറ്റിൻ്റെ സ്നേഹാദരം യൂണിറ്റ് പ്രസിഡൻ്റ് പി എം മിൻഹാസ് റഫീഖ് അഹമ്മദിന് നൽകി. ജില്ലാകമ്മിറ്റി അംഗം ബാഷിൻ മുഹമ്മദ്, കുന്നംകുളം മേഖല സെക്രട്ടറി റെജി ആൽബർട്ട്, ട്രഷറർ രമേഷ് കാളിയത്ത്, സുനിൽ ഏറത്ത്, ജോജിൻ രാജു, ബൈജു പി എ, പ്രവീൺ പോൾ തുടങ്ങിയവർ സംസാരിച്ചു. യൂണിറ്റ് സെക്രട്ടറി നൗഷാദ് എൻ എം സ്വാഗതവും ദിലീപ് നന്ദി പറഞ്ഞു. തുടർന്ന് ഇഫ്താർ വിരുന്ന് നടന്നു.