മാറഞ്ചേരി എം ആർ വൈ 2015 വാട്സ്പ് കൂട്ടായ്മ ഇഫ്താർ സംഗമം സംഘടിപ്പിച്ചു
മാറഞ്ചേരി:സാമൂഹ്യ സാന്ത്വന രംഗത്തെ കാരുണ്യ കൂട്ടായ്മയായ എം ആർ വൈ 2015 എന്ന വാട്സ്പ് കൂട്ടായ്മ ഇഫ്താർ സംഗമം സംഘടിപ്പിച്ചു.മാറഞ്ചേരി അരുണോദയം ഓഡിറ്റോറിയത്തിൽ നടന്ന പരിപാടിയിൽ ജാതി മത ഭേതമന്യെ നാടിന്റെ വിവിധ തുറയിയിലുള്ളവർ പങ്കെടുത്തു.ഇഫ്താർ സംഗമത്തിന്റെ ഭാഗമായി നടന്ന സാംസ്കാരിക സദസ്സിൽ പ്രഗത്ഭ വാഗ്മിയും കേരള ലൈബ്രററി കൗൺസിൽ എക്സികുട്ടീവംഗവുമായ അജിത് കൊളാടി സംസാരിച്ചു.പ്രതികരണ ശേഷി നഷ്ടപ്പെട്ടു കൊണ്ടിരിക്കുന്ന ഒരു തലമുറ വളർന്നു വരുന്നതിലുള്ള അമർഷം അദ്ദേഹം രേഖപ്പെടുത്തി.റഹ്മാൻ പോക്കർ അധ്യഷത വഹിച്ച യോഗത്തിൽ കവി രുദ്രൻ വാരിയത്ത്, എ.കെ അലി ,എ ടി അലി, നജീബ് എന്നിവർ ആശംസകൾ അർപ്പിച്ചു സംസാരിച്ചു.ഇസ്മായിൽ സ്വാഗതം പറഞ്ഞ ചടങ്ങിൽ ശിഹാബ് നന്ദി പറഞ്ഞു.
